neiegkeeten

Am Mee 2022 feiert den Iechternacher Lycée, zesumme mam Trifolion, dem Mierscher Kulturhaus an der BnL den 150ste Buertsdag vum Pierre-Toussaint Stefani, alias Litty, mat engem grousse Musical ‘Du Litty Do!’ D’Virbereedunge lafen.

*

Am Lëtzebuerger Lidderflupp trëfft de Georges Urwald am Januar 2022 op den Orchester Luxembourg Philharmonia ënnert der Leedung vum Martin Elmquist. Lëtzebuerger Lidderpotpourrie fir Matzesangen an instrumental ‘Pausestécker’ vu Lëtzebuerger Komponisten suerge fir en Owend voller Freed. D’Virbereedunge lafen.

*

D’Lëtzebuerger Pianosheft II ass an der Maach. Fir ënnert de Chrëschtbeemchen 2021 ass et prett!

*

Maacher am Léid (CD) resp. Maacher am Léiderbouch (Lidderheft) heescht en neie Projet vum Georges Urwald, an Zesummenaarbecht mat der Maacher Museksschoul an der Maacher Gemeng: CD an Optrëtter, eng Kollektioun vu Lidder aus de leschten 150 Joer iwwert Maacher Temperament, Maacher Traditiounen, Maacher Perséinlechkeeten. ( > Hierscht 2021)

*

De Georgely, d’Lëtzebuerger Lidderbuch / Band I : Geselleg Lidder an Zesummenaarbecht mat der BnL, dem Stued Theater an der INECC ass an der Maach: 300 Lëtzebuerger Lidder vu fréier bis haut, déi ee kennt, déi an der Gesellschaft gesonge ginn, an engem eenzege Buch. Mat Text, Melodien a Begleetakkorden. (> Publikatioun Enn 2021 / Ufank 2022)

*

De 5te Band vum didaktischen Heft ‘De Litty – klassesch Musek zu Lëtzebuerg‘ ass do. Dir kritt et an der Nationalbibliothéik oder iwwert cedom@bnl.etat.lu

*

Den neie Album ‘1971’ vu georges urwald & FLOTT ass elo an allen digitale Museksthéiken an op CD ze fannen. Den 23. Oktober 2021 ginn CD a Vinyl ‘1971’ offiziell an der Philharmonie virgestallt.

*

D’Lëtzebuerger Pianosheft, mat Dicks an Dëppegéisser, ass do! 12, relativ einfach bis mëttelschwéier Pianosarrangementer vu beléifte Lëtzebuerger Lidder vum Georges Urwald. Ze kréien an allen Ernster Butteker, an de Museksgeschäfter an iwwert de Verlag blueorangemusic

*

D’Lidderheft (mat Concert DVD) Kanner o Kanner o quel bonheur ass do. 12 thematesch Potpourrie vu Lëtzebuerger Lidder vu fréier bis haut. Arrangéiert vum Georges Urwald. Illustréiert vum Lea Schroeder. An allen Ernster Butteker, iwwert de Site vun der MIL asbl.

*

Den neien Album vum Serge Tonnar a Georges Urwald ‘Tonnar Urwald – Aus der Heemecht‘ elo op iTunes, Spotifiy, …

*

Den neien Album DIK (12 Improvisatiounen iwwert traditionell Melodien aus Lëtzebuerg – grand piano: Georges Urwald – percussion: Franck Hemmerlé) ass eraus. Now available on iTunes, Spotify, youtube, … Den CD kritt Dir iwwert de Kontakt op dëser Säit.

HU Flyer New Album